Rusiyanın planı baş tutmadı | Lavrov Ermənistanı niyə təhdid etdi? - Baku TV

Siyasi şərhçi Oqtay Qasımov Rusiya xarici işlər naziri Sergey Lavrovun RBK-ya verdiyi müsahibəsindəki açıqlamalarını şərh edərək bildirib ki, bu bəyanatlar Moskva rəsmilərinin Ermənistandakı proseslərə reaksiyasının davamıdır. O, Kremlin seçkilər yolu ilə Nikol Paşinyanı hakimiyyətdən uzaqlaşdıra bilmədiyini diqqətə çatdırıb.

Şərhçinin sözlərinə görə, Paşinyan hökumətinin qərbyönümlü siyasəti və qonşularla münasibətləri normallaşdırmaq xətti Moskvanın maraqlarına cavab vermir.

O.Qasımov əlavə edib ki, Rusiyanın Ermənistana birbaşa hərbi və ya iqtisadi təzyiq imkanları məhduddur. İki ölkə arasında birbaşa quru sərhədinin olmaması və Ermənistanın xarici ticarəti şaxələndirməsi Moskvanın sanksiya cəhdlərini təsirsiz saxlayır.