“WhatsApp”da reklamlar necə yerləşdiriləcək? - İstifadəçilər bunları bilsin

"Meta" şirkəti 2014-cü ildə "WhatsApp"ı aldıqdan sonra ilk dəfə olaraq mesencerdə reklamlar təqdim edir. Məlumata görə, reklamlar gündəlik 1,5 milyard baxış toplayan yenilənmələr bölməsində görünəcək.

Reklamçılar həmçinin kanallarını tanıtmaq və ödənişli abunəliklər satmaq imkanı əldə edəcəklər.

Reklamların şəxsi məlumatlara əsaslandığı "Instagram" və "Facebook"dan fərqli olaraq, "WhatsApp"da hədəfləmə zəif olacaq. Reklam təklifləri istifadəçinin dilindən, bölgəsindən və kanal abunəliyindən asılı olacaq lakin şəxsi yazışmalara təsir etməyəcək.

Şirkət əmin edib ki, "WhatsApp"dan yalnız mesaj və zənglər üçün istifadə edən istifadəçilər heç bir dəyişiklik hiss etməyəcəklər.