Abbas Abbasov Kemi Sebanın həbs edilməsi ilə bağlı danışdı | Qanunsuz şəkildə saxlanılıb

“15 oktyabrda Fransa ərazisində panafrikan siyasi fəal Kemi Seba fransız hüquq-mühafizə orqanları tərəfindən heç bir əsas təqdim edilmədən və qanunsuz şəkildə həbs edilib”.

Bu barədə Bakı Təşəbbüs Qrupundan bildirilib.

Qeyd olunub ki, Kemi Seba Fransadan öncə Bakıda Afrikaya həsr edilən beynəlxalq konfransda iştirak edib. Bundan sonra onun rəhbərlik etdiyi QHT və Bakı Təşəbbüs Qrupu arasında əməkdaşlıq başlanılıb:

“Heç də təsadüfi hadisə deyil ki, Fransa hökuməti bu ərəfədə belə bir addım atıb. Sözügedən addım Fransanın Bakı Təşəbbüs Qrupunun uğurlu fəaliyyətinə olan reaksiyasıdır”.

Bildirilib ki, Kemi Seba Fransa ərazisinə diplomatik pasportla daxil olub:

“Amma bu faktlara baxmayaraq, Fransa hüquq-mühafizə orqanları onu qanunsuz şəkildə həbs edib. Bu, birbaşa olaraq Kemi Sebanın siyasi fəaliyyəti ilə bağlıdır. Hesab edirik ki, o, siyasi məhbusdur”.