ABŞ Ermənistanı qane edə bilmədi: ermənilər bu yola əl atdı

Sentyabrın 14-də Amerika Birləşmiş Ştatları Senatının Xarici Əlaqələr Komitəsində Qarabağdakı vəziyyət müzakirə edilib.

İclasda ABŞ dövlət katibinin Avropa və Avrasiya məsələləri üzrə müavini Yuri Kim çıxış edib. Erməni KİV-ləri onun çıxışını təhrif edərək, yalnız ölkələrinin lehinə səsləndirilən fikirləri paylaşıblar. Diplomatik nümayəndənin Azərbaycan haqqında danışdığı hissəni isə çıxarıblar.

“Biz azərbaycanlılara 2027-ci ilə qədər Avropaya tədarük edəcəkləri qazın həcmini iki dəfə artırmağa kömək etmək məqsədilə onlarla birgə səmərəli şəkildə işləmişik. Bu fəaliyyət Cənub Qaz Dəhlizindən Türkiyə, Yunanıstan, Bolqarıstan, potensial ölkə olaraq Albaniya, İtaliya və demək olar ki, Qərbi Balkan ölkələrinin enerji ilə təmin edilməsi baxımından son dərəcə vacibdir. Bundan əlavə, Bakıdan Tbilisi və Ceyhana gedən neft kəmərinin fəaliyyətini davam etdirməsi də bizim üçün əhəmiyyətlidir.

Onu da qeyd edim ki, bizim əsas vəzifəmiz dostlarımızı və müttəfiqlərimizi Rusiya enerjisinin asılılığından xilas etməkdir”, – deyə ABŞ dövlət katibinin Avropa və Avrasiya məsələləri üzrə müavini Yuri Kim bildirib.