ABŞ rəsmisindən eskalasiya ilə bağlı açıqlama

“Azərbaycan-Ermənistan şərti sərhədində eskalasiya heç kimin marağında deyil”.

Bunu ABŞ Dövlət Departamentinin mətbuat katibi Metyu Miller deyib.

“Biz hamının hüquqlarına hörmət edilən regionda ədalətli və ləyaqətli sülh üçün şəraitin yaradılmasını təşviq etməyə davam edirik. Davamlı sülhü təmin etməyin yeganə yolu danışıqlar masasıdır. Eskalasiya heç kimin marağında deyil”, – deyə M.Miller bildirib.

Qeyd edək ki, son zamanlar Azərbaycan-Ermənistan şərti sərhədinin müxtəlif istiqamətlərində Ermənistan Silahlı Qüvvələrinin bölmələri və döyüş texnikasının cəmləşdirilməsi barədə 31 mart 2024-cü il tarixində Azərbaycan Müdafiə Nazirliyi tərəfindən rəsmi məlumat yayılıb.