ABŞ və İsrail nüvə silahına qarşı tədbirləri gücləndirir

ABŞ və İsrail İranın nüvə silahı əldə etməsinin qarşısını almaq üçün koordinasiyanı gücləndirmək barədə razılığa gəlib. Bu barədə Ağ evin rəsmi saytında dərc olunan iki ölkənin birgə bəyanatında qeyd olunub.

“Rəsmilər İranın nüvə proqramının irəliləyişini böyük narahatlıqla təhlil ediblər və İsraillə ABŞ arasında təhlükəsizlik sahəsindəki çoxillik tərəfdaşlığın daha da gücləndirilməsinin qarşılıqlı məqsədini bir daha təsbit ediblər. Bununla bağlı iki ölkənin rəsmiləri İranı regionda düşmənçilik fəaliyyətindən çəkindirmək üçün tədbirlərin koordinasiyasını gücləndirməyi öhdələrinə götürüblər”, - deyə milli təhlükəsizlik müşaviri Ceyk Sallivan İsrailin strateji planlaşdırma naziri Ron Dermer və İsrail Milli Təhlükəsizlik Şurasının rəhbəri Tsaxi Haneqbinin iştirakı ilə Vaşinqtonda ABŞ-İsrail Strateji Məsləhət Qrupunun keçirilən toplantısının yekununa dair verilən bəyanatda qeyd olunub.

ABŞ Silahlı Qüvvələri ilə İsrail Müdafiə Qüvvələri arasında keçirilən son birgə təlimlərin nəticələri də müzakirə edilib. Tərəflər həmçinin “İsrailin təhlükəsizliyini və Yaxın Şərq regionuna siyasi inteqrasiyasını daha da dərinləşdirmək üçün səylərini baxışdan keçiriblər.