Ağ Ev Azərbaycanla bağlı nə etməyə hazırlaşır?
ABŞ Dövlət Departamentinin sözçüsü Metyu Miller Azərbaycanla Ermənistan arasındakı sülh prosesinə münasibət bildirib.
O keçirdiyi brifinq zamanı deyib ki, Ağ Ev iki ölkə arasında münasibətlərin normallaşması üçün səylərini davam etdirəcək:
“Biz açıq şəkildə Azərbaycan və Ermənistan arasında davamlı dialoqu dəstəkləyirik. İnanırıq ki, bu, davamlı nizamlanmaya nail olmaq üçün ən yaxşı yoldur və biz bununla bağlı səyləri davam etdirəcəyik”.
Qeyd edək ki, 2023-cü ilin dekabrında ABŞ dövlət katibinin Avropa və Avrasiya məsələləri üzrə köməkçisi Ceyms O'Brayn dövlət katibi Entoni Blinkenin sülh sazişi üzrə danışıqlar aparmaq məqsədilə Azərbaycan və Ermənistanın xarici işlər nazirlərini tezliklə Vaşinqtonda qəbul edəcəyini bildirib. Ancaq rəsmi Bakı xarici işlər nazirlərinin növbəti görüşünün yeri və tarixinin hələlik razılaşdırılmadığını vurğulayıb.