Ağdərəni tərk edən ermənilərdən daha bir təxribat: minalanan yolların görüntüsü yayıldı

Erməni separatçıları uzun illər işğal altında saxladıqları ərazilərimizi tərk edərkən yenə də çirkin əməllərindən qalmayıblar. Bununla bağlı sosial şəbəkələrdə yeni görüntülər yayılıb.

Bildirilir ki, Ağdərəni tərk edən ermənilər yola çox sayda minalar basdırıblar.

Qeyd edək ki, Azərbaycan Ordusunun Qarabağda başlatdığı lokal xarakterli antiterror tədbirləri separatçıların təslim olması ilə nəticələnib. Qarabağın erməni sakinlərinin nümayəndələrinin Rusiya sülhməramlı kontingenti vasitəsilə müraciətini nəzərə alaraq tam atəşkəs haqqında razılaşma əldə olunub və 2023-cü il sentyabrın 20-də saat 13:00-da lokal xarakterli antiterror tədbirləri dayandırılıb.

Əldə edilən razılaşmaya əsasən, Qarabağda olan Ermənistan silahlı qüvvələrinin birləşmələri, qeyri-qanuni erməni silahlı dəstələri silahı yerə qoymalı, döyüş mövqelərindən və hərbi postlardan çıxmalı və tam şəkildə tərk-silah olunmalıdırlar. Daha sonra Ermənistan silahlı qüvvələrinin birləşmələri Azərbaycan ərazilərini tərk etməli, qeyri-qanuni erməni silahlı dəstələri buraxılmalıdır.