Aleksandar Vuçiçdən paytaxt Bakı haqqında səmimi açıqlama - Baku TV

Serbiya Prezidenti Aleksandar Vuçiç Azərbaycanın paytaxtı Bakı şəhərinin gözəlliyinə və sürətli inkişafına heyranlığını gizlətməyib. Baku TV-nin Belqraddan verdiyi özəl reportaja əsasən, Vuçiç mətbuata bəyanatında Bakının dünyanın ən gözəl şəhərlərindən biri olduğunu vurğulayaraq səmimi etiraflar edib.

Prezident Vuçiç qeyd edib ki, Bakının müasir arxitekturası ilə tarixi irsinin vəhdəti onu heyran edir: "Mən Bakını çox sevirəm və oradakı inkişafı hər səfərimdə heyrətlə izləyirəm". Serbiya lideri həmçinin Bakının təmizliyini, təhlükəsizliyini və infrastruktur layihələrinin miqyasını nümunə göstərərək, bu uğurların arxasında Prezident İlham Əliyevin güclü iradəsinin dayandığını bildirib. Videoda Aleksandar Vuçiçin Bakı haqqında səmimi xatirələri, paytaxtımızın Serbiya ictimaiyyəti üçün cəlbediciliyi və iki ölkə arasındakı turizm əlaqələrinin genişlənmə perspektivləri yer alır.