Aleksandr Lukaşenko Belarusun taxta evlər təcrübəsindən danışdı

“Bizdə o qədər taxta-şalban var ki, bu, Azərbaycanda qıtdır. Bu məsələdə təbiət bizi mükafatlandırıb. Biz orada sizin üçün evlər yaratmağa hazırıq”.

Bu sözləri Belarus Prezidenti Aleksandr Lukaşenko Prezident İlham Əliyevlə mətbuata bəyanatında deyib.

O bildirib ki, Belarusda taxta evlər təcrübəsi geniş yayılıb.

“Evi hissələrlə vaqonlarda gətiririk, bir həftə ərzində bünövrəsi üzərində tikib qurtarırıq. Biz Belarusda bu cür edirik. Əgər sizə uyğun gələrsə, biz tədarük edə və sizin dirçəldilən ərazilərdə belə evlər tikə bilərik. Bir sözlə, çox böyük planımız var. Biz işləməyə davam edəcəyik”, – Belarus lideri əlavə edib.