Almaniya Qarabağdakı separatçıları açıq şəkildə dəstəkləyir

Almaniya Qarabağda yaşayan dinc erməni sakinlərə yardım məqsədilə Beynəlxalq Qırmızı Xaç Komitəsinə 2 milyon avro ayıracaq.

Bu barədə Almaniyanın Ermənistandakı səfirliyi məlumat yayıb.

“Humanitar yardıma ciddi ehtiyac duyulur” ifadəsi ilə erməni icmasına dəstək nümayiş etdirməyə çalışan Almaniya bəs niyə 30 ilə yaxın müddətdə torpaqları işğal altında olan Azərbaycanın 1 milyona yaxın sakininin öz ata-baba yurdundan məcburi didərgin düşməsinə bir dəfə də olsun yardım əli uzatmayıb? Bu, ikili standart deyilsə, bəs nədir?

Millət vəkili Bəhruz Məhərrəmov bildirib ki, Almaniya humanitar missiyanı siyasi niyyətlərə alət etməklə bölgədə durumu gərginləşdirir:

“Azərbaycan 30 il ərzində təcavüzə, işğala məruz qalıb. Bu müddət ərzində biz Almaniyanın hansısa xüsusi səylər göstərdiyinin şahid olmamışıq. Almaniya humanitar missiyanı siyasi niyyətlərə alət etməklə, bölgədə vəziyyəti gərginləşdirməklə xoş olmayan niyyətini büruzə verir. Almaniya bölgədə hansısa humanitar niyyət ifadə edirsə, Bakı ilə razılaşmalıdır”.