Pleyeri seçin:
Ankarada Azərbaycan, Türkiyə və Gürcüstan müdafiə nazirlərinin üçtərəfli görüşü keçirilib
Türkiyənin paytaxtı Ankarada Azərbaycan, Türkiyə və Gürcüstanın Müdafiə Nazirləri arasında sayca 12-ci olan üçtərəfli görüş keçirilib. Azərbaycanı general-polkovnik Zakir Həsənov, Türkiyəni Yaşar Güler, Gürcüstanı isə İrakli Çikovani təmsil edib. Görüşdə tərəflər regionun hərbi-siyasi vəziyyəti, üç ölkə arasında hərbi əməkdaşlığın daha da inkişaf etdirilməsi yolları, habelə regional layihələrin təhlükəsizliyinin təmin olunması məsələlərini ətraflı müzakirə ediblər. Həmçinin hərbi, hərbi-texniki, hərbi təhsil və tibb sahələrində gələcək əməkdaşlıq perspektivləri vurğulanıb. Bu format bölgədə sabitlik və rifah üçün vacib hesab edilir.
Kopyalandı
Seçilmişlər
