Arutyunyan erməniləri ifşa etdi

Ermənilər qlobal miqyasda hiyləgərlik kampaniyasını davam etdirsələr də, özlərini ifşa etməkdən də qalmırlar.

Laçında sərhəd-keçid məntəqəsi qurulandan sonra dünya ictimaiyyətini humanitar böhran yalanları ilə inandırmağa çalışsalar da, baş separatçı Arayik Arutyunyan son müsahibəsində bu uydurmaya elə özü son qoyub. Terrorçubaşı Xankəndidə ərzaq qıtlığı olmadığını, hətta yeni mübarizəyə hazırlaşdıqlarını deyib. Bu da onların ənənəvi mənfur simasını bir daha nümayiş etdirib.

A.Arutyunyanın müsahibəsi həm də onu göstərir ki, ermənilər artıq Azərbaycanın gücünü hiss edir və rəsmi Bakının suveren hüquqlarını bərpa edəcəyini anlayırlar. A.Arutyunyanın həm də öz əlaltılarının ittihamlarını təkzib etməsi vaxtilə məğlubedilməz mifi yaradan ermənilərin indi məzlum obrazı yaratmaq missiyasına hesablanıb. Bununla da havadarlarından əli üzülən qanunsuz silahlılar təxribatlara başqa don geyindirməyə çalışırlar.

Təbii ki, Azərbaycanı haqlı bildiyi və beynəlxalq hüququn fundamental prinsiplərinə söykənərək atdığı addımlardan heç kəs döndərə bilməz. Separatçılar da bunu yaxşı bilirlər. Ona görə də mülki erməniləri özlərinə qalxan etmək əvəzinə girovluqdan azad edib Azərbaycanın sülh əlini tutmaq yeganə optimal variantdır.