Siyasət
Pleyeri seçin:
Azərbaycan əhalisi arasında sorğu: erməni nümayəndələrlə dialoqa yanaşma
Sosial Tədqiqatlar Mərkəzi Azərbaycanın Qarabağ bölgəsində yaşayan erməni sakinlərin nümayəndələri ilə dialoq prosesinə dair ictimai rəyi öyrənmək məqsədilə əhali arasında sorğu keçirib.
Sorğunun nəticələrinə əsasən, respondentlərin 63.3%-i dialoq prosesini dəstəklədiyini, 27.4%-i dəstəkləmədiyini ifadə edib. Sorğu iştirakçılarının 9.2%-i bu barədə rəy bildirməkdə çətinlik çəkib.
Prosesi dəstəkləyənlərin 49%-i dialoqun birbaşa təmaslar yolu ilə aparılmasını üstün hesab edib. Onların 37.3%-i istənilən formatı məqbul hesab etdiyini bildirərkən, 12.2%-i vasitəçilik yoluna üstünlük verdiyini bildirib.
Sorğu iştirakçılarının 1.6%-i bu barədə rəy bildirməkdə çətinlik çəkib.
Qeyd edək ki, 12 iqtisadi rayonu əhatə etməklə 2023-cü ilin 8-11 sentyabr tarixlərində keçirilən sorğuda 18 yaşından yuxarı 390 respondent iştirak edib.
Kopyalandı
Seçilmişlər
