Azərbaycan-Fransa münasibətləri niyə kəskinləşdi? | Rusiyadan şərh

“Makron özünü Ermənistanın mühafizəçisi, qoruyucu mələyi kimi göstərməyə başladığı üçün Azərbaycan Fransa ilə kəskin qarşıdurmaya girir. Makron kəşfiyyatının işini gücləndirdi, Ərdoğanın MOSSAD agentlərinin dəstələrini həbs etdiyi kimi, Əliyev də bütün Fransa kəşfiyyat stansiyasına zərbə endirdi”.

Bunu rusiyalı politoloq Stanislav Tarasov deyib.

“Türkiyənin Bakını himayə etməsi məsələsinə gəlincə, demək istəyirəm ki, fakt budur ki, Azərbaycanın müdafiəyə ehtiyacı yoxdur. Kimdən qoruyurlar? Rusiya Azərbaycanı hədələyir? Yox. İstisna etmirəm ki, Türkiyə ilə Rusiya arasında müəyyən razılaşmalar var. İran hədələyir? Yox. Azərbaycandan İrana Şimal-Cənub dəhlizi ilə bağlı razılaşmalar əldə edildikdən, Bakı Zəngəzur problemini gündəmdən çıxarıb İran ərazisindən kommunikasiyalar quracağını və Tehranın prosesə inteqrasiya edəcəyini bəyan etdikdən sonra Ermənistan özünü boşluqda tapdı. İrəvan özünü təcrid etdi.

Bəli, Parislə Bakının münasibətləri Ermənistana görə gərginləşib. Burada daha gizli səbəblər yoxdur, bu, ən çox Ermənistanla bağlıdır. Əliyevin xarici siyasətini həmişə skeptisizmlə qiymətləndirirəm, lakin etiraf etməli və obyektiv olmalıyıq, o mənada ki, Əliyev xarici siyasətdə çox parlaqdır. O, Qərblə məsələni mükəmməl şəkildə həll etdi, gücün mərkəzini hiss edib siyasətini yenidən formatladı”, – o bildirib.