Pleyeri seçin:

Azərbaycan Haaqa Məhkəməsinə Ermənistana qarşı arbitraj işi üzrə iddia sənədini təqdim edib

13 fevral 2025 235 baxış

Azərbaycan tərəfi Haaqa şəhərində yerləşən Daimi Arbitraj Məhkəməsinin mənzil-qərargahında 1979-cu il tarixli “Avropanın canlı təbiətinin və təbii mühitinin qorunması haqqında” Konvensiya əsasında Ermənistana qarşı arbitraj işi üzrə iddia sənədini təqdim edib.

Bu barədə Xarici İşlər Nazirliyi məlumat yayıb.

Qeyd olunub ki, iddia sənədində Ermənistanın “Bern Konvensiyası”na dair hüquqi öhdəliklərinin çoxsaylı pozuntuları ətraflı şəkildə öz əksini tapıb.

Məlumata görə, Azərbaycan öz ərazilərini azad etməklə Ermənistanın ətraf mühiti məhv etməsinə və dünyanın ən zəngin biomüxtəliflik ocaqlarından birində yaşayış mühiti və növlərini qoruya bilmədiyinə dair dəhşətli sübutlar aşkar edib. Ermənistanın hərəkətlərinin bölgədəki canlı təbiətə və növlərinə dönməz şəkildə ciddi ziyan vurduğu müəyyənləşdirilib.

Bildirilib ki, 2023-cü il yanvarın 18-də Azərbaycan sözügedən dəlillərə əsaslanaraq arbitraj prosesinin başlanması üçün Ermənistana arbitraj bildirişi göndərib. 2023-cü il sentyabrın 15-də arbitraj məhkəməsinin tərkibi təsdiqlənərək, 2024-cü il aprelin 12-də Haaqadakı Sülh Sarayında Azərbaycanla Ermənistan arasında ilk prosedur iclası keçirilib.

“Azərbaycanın Ermənistana qarşı məhkəmə iddiası Bern Konvensiyası əsasında indiyədək məlum olan ilk dövlətlərarası arbitraj prosesidir. Azərbaycan Ermənistan tərəfindən yaşayış yerlərinin və canlı təbiətin kütləvi şəkildə məhv edilməsinə görə bu ölkədən tam təzminat tələb edir. Buraya Azərbaycan ərazilərinin bir hissəsinin Ermənistan tərəfindən işğalı zamanı əraziyə aid olan yüzlərlə vəhşi təbiət növünə və yaşayış yerlərinə mənfi təsir göstərən addımlar, o cümlədən meşələrin genişmiqyaslı qırılması, ekoloji cəhətdən səmərəsiz şəkildə ağacların kəsilməsi, mədənçilik və su elektrik stansiyalarının tikintisi daxildir.

Birləşmiş Millətlər Təşkilatının Ətraf Mühit Proqramı (UNEP) yaşı 2000-dən çox olan qədim ağacların olduğu Azərbaycanda minlərlə hektar xüsusi mühafizə olunan və qiymətli meşənin zərər gördüyünü bildirib. Bu qoruqlardan bəziləri Bəsitçay vadisindəki şərq çinarı meşəsi kimi nadir və kövrək ekosistemləri qorumaq üçün yaradılmışdı. UNEP hesabatında Oxçuçay çayında yüzlərlə balığın ölü tapıldığını əlavə edərək, əvvəllər işğal olunmuş ərazilərdə mədənçiliyin suyun, torpağın və biomüxtəlifliyin kimyəvi çirklənməsinə səbəb olduğunu sənədləşdirib. İşğal zamanı Ermənistan tərəfindən törədilən hərəkətlər hələ də bir neçə qorunan balıq və amfibiya növünü təhdid edir.

Azərbaycan ədalətin təmini istiqamətində fəaliyyətini davam etdirəcək və Ermənistanın qanunsuz işğalı zamanı ətraf mühitin, heyvan növlərinin və yaşayış yerlərinin məhv edilməsi və qorunmaması ilə bağlı bu ölkəni beynəlxalq məsuliyyətə cəlb edəcək”, – deyə XİN-in məlumatında qeyd olunur.

Banner
Azərbaycan–Vyetnam əlaqələrində hansı sahələr önə çıxır? - Baku TV

Azərbaycan–Vyetnam əlaqələrində hansı sahələr önə çıxır? - Baku TV

Siyasət
22 noyabr 2026 235 baxış
TRIPP üçün geri sayım başladı: Paşinyan konkret tarix verdi - Baku TV

TRIPP üçün geri sayım başladı: Paşinyan konkret tarix verdi - Baku TV

Siyasət
22 noyabr 2026 235 baxış
Ermənistan Azərbaycan və Türkiyə ilə enerji əlaqələrini necə inkişaf etdirməyi planlaşdırır?

Ermənistan Azərbaycan və Türkiyə ilə enerji əlaqələrini necə inkişaf etdirməyi planlaşdırır?

Siyasət
22 noyabr 2026 235 baxış
İlham Əliyevin sosial media hesablarında Vyetnama rəsmi səfəri ilə bağlı videoçarx paylaşılıb

İlham Əliyevin sosial media hesablarında Vyetnama rəsmi səfəri ilə bağlı videoçarx paylaşılıb

Siyasət
22 noyabr 2026 235 baxış
Prezident İlham Əliyevi hava limanında Vyetnamın rəsmi şəxsləri yola salıblar - Baku TV

Prezident İlham Əliyevi hava limanında Vyetnamın rəsmi şəxsləri yola salıblar - Baku TV

Siyasət
22 noyabr 2026 235 baxış
Prezident İlham Əliyev Vyetnamın paytaxtı Hanoyda rəsmi mərasimlə qarşılanıb - Baku TV

Prezident İlham Əliyev Vyetnamın paytaxtı Hanoyda rəsmi mərasimlə qarşılanıb - Baku TV

Siyasət
21 noyabr 2026 235 baxış
Ermənistan Azərbaycan və Türkiyə ilə enerji əlaqələrini necə inkişaf etdirməyi planlaşdırır?

Ermənistan Azərbaycan və Türkiyə ilə enerji əlaqələrini necə inkişaf etdirməyi planlaşdırır?

Siyasət
21 noyabr 2026 235 baxış
İki ölkə arasında tərəfdaşlığın yeni imkanları və perspektivləri - Baku TV

İki ölkə arasında tərəfdaşlığın yeni imkanları və perspektivləri - Baku TV

Siyasət
21 noyabr 2026 235 baxış
Azərbaycanla Vyetnam beynəlxalq strukturlar çərçivəsində də fəal əməkdaşlıq edirlər | İlham Əliyev

Azərbaycanla Vyetnam beynəlxalq strukturlar çərçivəsində də fəal əməkdaşlıq edirlər | İlham Əliyev

Siyasət
21 noyabr 2026 235 baxış
Prezident İlham Əliyev Azərbaycan-Vyetnam əlaqələrindən danışdı - Baku TV

Prezident İlham Əliyev Azərbaycan-Vyetnam əlaqələrindən danışdı - Baku TV

Siyasət
21 noyabr 2026 235 baxış
Seçilmişlər
icon