Azərbaycan Prezidenti Trampın USAID-lə bağlı qəti qərarını proqnozlaşdırmışdı

“ABŞ-nin dünyadakı müttəfiqlərini maliyyələşdirmək üçün aparıcı dövlət təşkilatı olan USAID dağılır. Tramp audit üçün USAID-i 90 gün müddətinə bağlayır. Sayt bağlanıb, bu o deməkdir ki, hamı sadəcə işdən qovulub. Ukraynada qeyri-rəsmi matəm elan olunub. Burada USAID-in pulu ilə büdcəsi 7 milyard dollara qədər olan 100-dən çox təşkilat çalışırdı. Mask USAID-in kovidin inkişafında günahkar olduğunu söylədi, çünki kimyəvi silahlar hazırlayan və kovidi yaradan “EcoHelthAllaience”i 53 milyon dollarla maliyyələşdirib. USAID Ukrayna, Misir və digər ölkələrdə hərbi çevrilişlərdə iştirak edib”.

Bunu rusiyalı politoloq Sergey Markov deyib.

“USAID-in keçmiş direktoru Con Gilliqan etiraf edib ki, agentliyin bütün strukturlarına MKİ casusları sızıb. Tamamilə bütün layihələr, hətta humanitar yönümlü layihələr də casusluğa yönəlib. “USAID məhv olmalıdır”, – İ.Mask belə dedi. İ.Mask isə Tramp administrasiyasının bütün ABŞ dövlət qurumlarının auditi və yenidən təşkili üzrə işinə rəhbərlik edir. USAID-in iflasa uğraması bütün dünya üçün böyük fəsadlar yarada bilər. Bir vaxtlar Rusiya onlarla əməkdaşlıq edirdi. Amma son 10 ildə USAID Rusiyanın əsl düşməninə, sülh düşməninə, bəşəriyyətin düşməninə, humanizmin düşməninə çevrilib”, – o bildirib.