Tramp USAID-in büdcəsini əhəmiyyətli dərəcədə azaldır

ABŞ Prezidenti Donald Tramp Dövlət Departamentinin və USAID-in büdcəsini əhəmiyyətli dərəcədə azaltmağı planlaşdırır.

Bu barədə “The New York Times“ 16 səhifədən ibarət sənəd layihəsinə istinadən məlumat yayıb.

Qeyd olunub ki, 2026-cı maliyyə ili üçün nəzərdə tutulan bu təklifin ümumi büdcəsinin 54,4 milyard dollardan 28,4 milyard dollara endirilməsi nəzərdə tutulur. Bu plan xarici yardım proqramlarının 75%-ə qədər azaldılmasını özündə əks etdirir. Bu təşəbbüs çərçivəsində ABŞ-nin Afrika və Avropadakı 30-a qədər diplomatik missiyasının bağlanması planlaşdırılır.

Bağlanması nəzərdə tutulan səfirliklər arasında Eritreya, Lüksemburq, Cənubi Sudan və Malta da var. Eyni zamanda Edinburq, Florensiya və Almaniyanın bəzi şəhərlərindəki konsulluqların da bağlanması gündəmdədir.

Ekspertlər iddia edirlər ki, bu, ABŞ-nin sözügedən ölkələrlə siyasi əlaqələrinə xeyli mənfi təsir edəcək.