Azərbaycan üçün səylərinizi səfərbər edin | XİN-dən vacib çağırış

Xarici İşlər Nazirliyi Ağdamda baş verən mina partlayışı ilə bağlı məlumat yayıb. Bu barədə nazirliyin “X” hesabında paylaşım edilib.

Bildirilib ki, Ermənistanın yerləşdirdiyi minalar işğaldan azad edilmiş ərazilərdə azərbaycanlıları öldürməyə və şikəst etməyə davam edir.

“Bu gün Sırxavənd kəndində minanın partlaması nəticəsində ANAMA-nın 27 yaşlı əməkdaşı ağır xəsarət alıb, ayağı amputasiya edilib. Geniş səylərə baxmayaraq, Ermənistanın minaların yerləşdiyi yerləri əks etdirən dəqiq xəritələri təhvil verməkdən imtina etməsi səbəbindən minatəmizləmə əməliyyatları bir çox problemlər yaradır. Beynəlxalq ictimaiyyət Azərbaycanda mina təhlükəsinin aradan qaldırılması üçün səylərini səfərbər etməlidir!”, – deyə XİN-in məlumatında qeyd olunub.