Azərbaycan və BƏƏ liderlərinin Füzuli şəhərindəki gəzintilərindən görüntülər

Azərbaycan və Birləşmiş Ərəb Əmirlikləri arasındakı dostluq və qardaşlıq münasibətləri Qarabağın dirçəliş meydanında! Prezident İlham Əliyev və ölkəmizdə rəsmi səfərdə olan BƏƏ Prezidenti Şeyx Məhəmməd bin Zayed Əl Nəhyan Füzuli şəhərinə səfər ediblər. Baku TV-nin təqdim etdiyi görüntülərdə liderlərin Füzuli Beynəlxalq Hava Limanı ilə tanışlığı, şəhərin baş planı üzrə aparılan tikinti işlərini izləməsi və sakinlərlə səmimi ünsiyyəti yer alıb. Süjetdə xüsusilə BƏƏ şirkətlərinin azad edilmiş ərazilərdə, o cümlədən Füzulidə həyata keçirəcəyi investisiya layihələri, "ağıllı şəhər" konsepsiyası və "yaşıl enerji" zonasına dair planlar müzakirə mövzusu olub. Şeyx Məhəmməd bin Zayed Əl Nəhyanın Füzulinin sürətli bərpasına heyranlığı və liderlərin qeyri-rəsmi gəzintisindən eksklüziv kadrlar Baku TV-nin "Siyasət" rubrikasında.