Azərbaycan və Gürcüstan arasında müdafiə sahəsində əməkdaşlıq möhkəmləndirilir

“Azərbaycanla Gürcüstan arasında müdafiə sahəsində əməkdaşlıq haqqında Saziş” təsdiq edilib.

Pezident İlham Əliyev bununla bağlı qanunu imzalayıb.

Sazişin məqsədi tərəflər arasında müdafiə sahəsində əməkdaşlığı təşviq etmək və möhkəmləndirmək, eləcə də tərəflərin qəbul etdikləri hərbi əməkdaşlıq proqramlarının həyata keçirilməsi üçün praktiki çərçivəni təmin etməkdir.

Sazişin həyata keçirilməsi üzrə səlahiyyətli orqanlar hər iki ölkənin Müdafiə Nazirlikləridir.

Qeyd edək ki, Saziş 2023-cü il aprelin 24-də Bakıda imzalanıb.