Azərbaycan və Özbəkistan arasında vacib zəng

Özbəkistan Prezidenti Şavkat Mirziyoyev Prezident İlham Əliyevə zəng edib.

Özbəkistanın dövlət başçısı azərbaycanlı həmkarını növbədənkənar prezident seçkilərində inamlı qələbə qazanması münasibətilə təbrik edib, ölkəmizin daha da inkişafı və xalqımızın firavanlığı naminə prezidentlik fəaliyyətində yeni uğurlar arzulayıb.

Prezident İlham Əliyev göstərilən diqqətə və təbrikə görə Şavkat Mirziyoyevə minnətdarlığını ifadə edib. Belarus Prezidenti Aleksandr Lukaşenko da Prezident İlham Əliyevə zəng edib.

Aleksandr Lukaşenko da azərbaycanlı həmkarını prezident seçkilərində inamlı qələbəsi münasibətilə təbrik edib, ona ölkəmizin inkişafı və firavanlığı naminə fəaliyyətində uğurlar arzulayıb.

Prezident İlham Əliyev göstərilən diqqətə və təbrikə görə Belarus Prezidentinə minnətdarlığını bildirib.

Bundan başqa, Macarıstanın Baş naziri Viktor Orban Azərbaycan Prezidenti İlham Əliyevə zəng edərək prezident seçkilərindəki qələbəsi münasibətilə təbriklərini çatdırıb, ona Azərbaycanın inkişafı naminə prezidentlik fəaliyyətində uğurlar arzulayıb.

Dövlət başçısı göstərilən diqqətə və təbrikə görə Viktor Orbana minnətdarlığını bildirib.