Azərbaycan XİN-dən Ağdamdakı partlayışa reaksiya

"Ermənistanın yerləşdirdiyi minalar ciddi problem olaraq qalır. İrəvan müxtəlif bəhanələrlə dəqiqləşdirilmiş mina xəritələrini verməkdən imtina edir".

Bu barədə Azərbaycan Xarici İşlər Nazirliyi "X" səhifəsində paylaşım edib.

Bildirilib ki, son partlayış nəticəsində 29 yaşlı mülki şəxs ağır yaralanıb. Ümumilikdə 2020-ci ilin noyabr ayından indiyədək 346 azərbaycanlı mina qurbanına çevrilib.

Qeyd edək ki, martın 3-də Ağdamın Əhmədağalı kəndində 29 yaşlı Bəxtiyar Abbasov mina partlayışı nəticəsində xəsarət alıb. Hazırda faktla bağlı Ağdam Rayon Prokurorluğunda araşdırma aparılır.