Azərbaycana qarşı qətnamə zibildir | Zöhrabyan Avropanı yıxıb-sürüdü

“AŞPA qətnamə qəbul edib: “etnik təmizləmə”, “artsax xalqının fiziki məhv edilmə təhlükəsi”, Azərbaycanın “hərbi təcavüzünü pisləmək”. Sual verirəm, bəs sonra?”.

Bu sözləri keçmiş deputat, “Təhlükəsizlik və Demokratiya” hüquq-müdafiə təşkilatının prezidenti, hazırda Strasburqda olan Naira Zöhrabyan AŞPA-nın qəbul etdiyi qətnamə haqda bildirib.

“AŞPA-nın qətnamələri Avropa Parlamentinin qətnamələri kimi hüquqi qüvvəyə malik deyil. Azərbaycana qarşı konkret sanksiyalar təklif ediblərmi? Bir neçə gün əvvəl Avropa Parlamenti daha irəli gedərək Avropa Birliyinə Azərbaycana sanksiyalar tətbiq etməyi tövsiyə etdi. Avropa Birliyi Azərbaycana qarşı sanksiyalar tətbiq etdimi? Təbii ki, yox! Üstəlik, Avropa Birliyi liderləri bəyan etməkdə davam edirlər ki, Azərbaycana sanksiyalar tətbiq etmək planları yoxdur”, – o qeyd edib.

Zöhrabyan bildirib ki, bu müraciətlər adi kağız tullantılarıdır, zibildir: “Avropa Birliyinin Azərbaycanla qaz müqavilələrinə xitam verməyəcəyindən, hansısa sanksiyaya əl atmayacağından əminəm. Bu sənədlərin heç bir hüquqi nəticəsi yoxdur”.