Azərbaycana qarşı qəzəblidirlər... | Rusiyalı ekspert Ermənistanın VOMA təşkilatından danışdı
“Vova Vartanov terrorçu qruplar arasında çox məşhur bir fiqurdur. O, Azərbaycana qarşı müharibədə iştirak edib”.
Bunu rusiyalı hərbi ekspert Yevgeni Mixaylov Ermənistan ərazisində fəaliyyət göstərən VOMA terror qruplaşmasının yeni təlimləri ilə bağlı erməni xalqına müraciətini şərh edərkən bildirib.
“Təəccüblü deyil ki, Vova Vartanov indi təlimlər keçmək və yeni terrorçular hazırlamaq üçün insanların axtarışına çıxıb. Onun məqsədi nədir? Mən hər zaman demişəm ki, Azərbaycanla Ermənistan arasında sülh müqaviləsi imzalansa belə, bu, müvəqqəti olacaq.
Çünki Ermənistanda Qərb strukturları, Qərbdə məskunlaşmış diaspor tərəfindən dəstəklənən, maliyyələşən qüvvələr var və onlar respublikada baş verənlərdən razı deyillər. Daha doğrusu, Azərbaycana uduzduqları üçün qəzəblidirlər. Onlar hər hansı yolla torpaqları yenidən işğal etmək həvəsinə düşəcəklər”, – o vurğulayıb.
Yevgeni Mixaylov qeyd edib ki, Qərb, xüsusilə də Fransa, ABŞ və NATO üçün Cənubi Qafqazda münaqişələri qızışdırmaq sərfəlidir:
“Ermənilər təkcə Azərbaycana qarşı mübarizə aparmaq üçün deyil, həm də Rusiya-Ukrayna arasında gedən hərbi münaqişədə Rusiyaya qarşı iştirak etmək üçün hazırlanırlar. Azərbaycan hadisələrin istənilən nəticəsinə hazır olmalıdır. Belə bir deyim var: sülh istəyirsənsə, müharibəyə hazırlaş. Nə qədər ki, Nikol Paşinyan hakimiyyətdədir, Azərbaycan rəhbərliyi vəziyyətlə tez bir zamanda məşğul olmalıdır”.
Məlumat üçün bildirək ki, VOMA terror qruplaşmasının qurucusu və başçısı Ermənistanda ilk kəşfiyyat-diversiya dəstəsinin rəhbəri olmuş Vova Vartanovdur. O, Birinci Qarabağ müharibəsinin iştirakçısıdır. Eyni zamanda VOMA-nın sıralarında olan şəxslər 44 günlük müharibədə Ermənistan Ordusunun tərkibində Azərbaycana qarşı döyüşlərdə iştirak ediblər.
![icon](/images/loading.png)