Azərbaycanda ödənişli hərbi xidmət ola bilər?

02 fevral 2024 634 baxış

Azərbaycanda hərbi xidmət ali təhsillilər üçün 1 il, ali təhsili olmayanlar üçün isə 1 il 6 aydır.

Millət vəkili Elnur Allahverdiyev isə təklif edir ki, dövlət büdcəsinə müəyyən vəsaiti ödəməklə bu müddəti azaltmaq olar.

Ekspertlər NATO ölkələrində, eləcə də bəzi Avropa dövlətlərində bu təcrübənin tətbiq olunduğunu deyirlər.

Bəs Azərbaycanda necə, ödənişli hərbi xidmət mümkün ola bilərmi?

Hərbi ekspert Ədalət Verdiyev bildirib ki, indiki vəziyyətdə bu, mümkün deyil:

“Hər il orduya ayrılan vəsaiti artırırıq. Ermənistanla sülh sazişi imzalanmadığı vaxtda bu cür məsələlərə toxunmamalıyıq. Bunu səsləndirənlər ətrafda baş verənlərə baxmalıdırlar. Fransanın regiona girmək üçün bəhanələr gəzdiyi bir vaxtda biz ordumuzun komplektləşdirilməsi faizini aşağı sala bilmərik”.

Qeyd edək ki, bu təcrübənin tətbiq olunduğu qardaş Türkiyədə ödənişli hərbi xidmət haqqı 2024-cü ildə 182 min 608 lirəyə – təxminən 10 min 190 manata yüksəlib.

#Azərbaycan Ordusu