Azərbaycanın hərbi sahədəki təcrübəsi bu ölkələr üçün nümunə oldu - BİZDƏN NƏ DANIŞIRLAR?

"Bizdən nə danışırlar?" verilişinin budəfəki buraxılışında dünya mətbuatının Azərbaycandan bəhs edən əsas xəbərləri təhlil olunub. Türkiyə mətbuatı Qəbələdə keçirilən Türk Dövlətləri Təşkilatının (TDT) 12-ci Zirvə Görüşünə geniş yer ayırıb. Xüsusilə, Prezident İlham Əliyevin 2026-cı ildə TDT-yə üzv ölkələrin birgə hərbi təlimlərinin Azərbaycanda keçirilməsi təklifi vurğulanıb. Bu təklif Azərbaycanın hərbi sahədəki təcrübəsinin digər türk dövlətləri üçün bir nümunə olduğunu göstərib. Bundan əlavə, Yaponiyanın NHK telekanalı Rusiya Prezidenti Vladimir Putinin ötən il "Azərbaycan Hava Yolları" (AZAL) QSC-nin təyyarəsinin vurulmasında Rusiyanın məsuliyyət daşıdığını etiraf etməsi barədə süjet yayımlayıb. Putin Düşənbədə İlham Əliyevlə görüşdə hadisənin Rusiyanın Hava Hücumundan Müdafiə sistemindəki texniki nasazlıq üzündən baş verdiyini bildirib.