Azərbaycanla sərhəd kənddə toqquşma | Saxlanılanlar var

Azərbaycan və Ermənistan arasında sərhədlərin delimitasiya və demarkasiyası istiqamətində əldə olunmuş razılığa müvafiq olaraq Ermənistanın Tavuş vilayətinin Kirants kəndi ərazisində sonuncu üç sərhəd dirəyinin quraşdırılması başa çatıb.

Bu barədə Ermənistan mətbuatında məlumat verilib.

Bidirilib ki, Ermənistan polisi Azərbaycan-Ermənistan sərhədində yerləşən Sarıgah kəndinə aparan yolu bağlayıb. Yaşayış məntəqəsinin girişində avtomobillər yalnız yoxlanıldıqdan sonra kəndə buraxılır.

Qeyd olunub ki, artıq Ermənistan sərhədçiləri ərazidə xidmətə başlayıblar. Eyni zamanda Ermənistan polisi Azərbaycanla sərhədlərin delimitasiya və demarkasiyası haqqında razılaşmaya etiraz əlaməti olaraq Kirants kəndinə daxil olmaq istəyən sakinləri əraziyə buraxmayıb. Toqquşma nəticəsində polis onlara müqavimət göstərən vətəndaşlardan bir neçəsini saxlayıb.