Azərbaycanla Türkiyə arasında "Əməkdaşlıq Protokolu" imzalanıb

Türkiyə Böyük Millət Məclisinin sədri Mustafa Şentop Azərbaycan Milli Məclisinin sədri Sahibə Qafarova ilə görüşüb.

Görüş çərçivəsində Azərbaycanla Türkiyə arasında “Əməkdaşlıq Protokolu” imzalanıb. Bu barədə Mustafa Şentop “Twitter” hesabında paylaşım edib.

“Azərbaycan Milli Məclisinin sədri, əziz dostum Sahibə Qafarovanı və onu müşayiət edən nümayəndə heyətini Qazi Məclisimizdə qonaq etdik. Təkbətək və nümayəndə heyətləri arasında keçirdiyimiz görüşlərdə “iki dövlət, bir millət” devizi ilə qurduğumuz əlaqələrimizin yüksələn xətlə davam etməsindən məmnunluğumuzu ifadə etdik. İnanıram ki, danışıqlarımızın sonunda 2 ölkə arasında imzaladığımız “Əməkdaşlıq Protokolu” parlamentlərimiz arasında sıx təmasların davam etdirilməsinə, bütün sahələrdə əməkdaşlığa böyük töhfə verəcək”, – deyə Türkiyə parlamentinin sədri bildirib.