Azərbaycanlılar dünyanın müxtəlif yerlərində etiraz aksiyası keçirir

Romanın məşhur müqəddəs “Həvarilər” meydanında İtaliyada yaşayan Azərbaycan icmasının dinc etiraz aksiyası keçirilib.

Azərbaycan-İtaliya Gənclər Assosiasiyası və Azərbaycan Diaspor Gənclərinin təşkilatçılığı ilə baş tutan aksiyada Ermənistanın ərazilərimizdə ekoloji terroru davam etdirməsi, regionda sülhə əngəl törətməsi, mina xəritələrini təhvil verməməsi, beynəlxalq hüququn tələblərini və insan haqlarını pozması ilə bağlı dünya ictimaiyyətinə çağırışlar edilib.

“Biz sülh istəyirik”, “Mina terrorunu dayandırın” və bu qəbildən şüarlar səsləndirən etirazçılar beynəlxalq birlikdən ədalət tələb ediblər.