Bakı Dəmiryol Vağzalı və “28 May” stansiyasının qarşısında hansı abadlıq işləri görüldü?
Prezident İlham Əliyev noyabrın 1-də Bakı Dəmiryol Vağzalının və metronun “28 May” stansiyasının qarşısındakı ərazidə aparılmış abadlıq və yenidənqurma işlərindən sonra yaradılan şəraitlə tanış olub.
Bakı Şəhər İcra Hakimiyyətinin başçısı Eldar Əzizov dövlət başçısına paytaxtımızda Puşkin küçəsinin Azadlıq prospekti ilə birləşməsindən Dilarə Əliyeva küçəsi ilə kəsişməsinədək olan hissəsində – Bakı Dəmiryol Vağzalı və metronun “28 May” stansiyasının qarşısındakı ərazidə görülmüş işlər barədə məlumat verib.
Bildirilib ki, ümumi sahəsi 3,5 hektar olan ərazidə minik avtomobillərinin hərəkəti ləğv edilib, əvəzində müasir tələblərə cavab verən avtobus, piyada və velosiped yolları yaradılıb.
Ərazidə yaşıllıq sahəsi salınıb, ağac və kollar əkilib, işıqlandırma sistemi yenilənib və müasir oturacaqlar quraşdırılıb. Bundan başqa, müasir tikinti norma və qaydalarına cavab verən fəvvarələr və müasir dayanacaqlar inşa edilib, elektrik avtobusları üçün 4 elektrikdoldurma məntəqəsi quraşdırılıb.
Bu layihənin icrası paytaxt sakinlərinin və Bakıya gələn çoxsaylı turistlərin istirahəti üçün hərtərəfli şəraitin yaradılması və şəhərin ekoloji durumunun yaxşılaşdırılması istiqamətində həyata keçirilən tədbirlərin məntiqli davamıdır.
#İlham Əliyev teqi istifadə olunub
- Dövlət başçılarından təqdimat mərasimində təbrik videosu - Baku TV
- Sülh prosesi nüfuzlu mükafatla qiymətləndirildi - Baku TV
- Əbu-Dabidə keçirilmiş bu mərasim rəmzi xarakter daşıyır, çünki... | İlham Əliyev - Baku TV
- ABŞ-nin vasitəçiliyi ilə sülh reallaşdı - Baku TV
- Bakı və İrəvan normallaşma prosesini sürətləndirmək üçün yeni addımlar atır - Baku TV
