Bakıda Bosniya və Herseqovina səfirliyi açılacaq

“Şadıq ki, Azərbaycan artıq Bosniya və Herseqovinada səfirliyini açıb və məmnuniyyətlə qeyd edə bilərəm ki, biz də ölkəmizin Bakıda səfirliyini açmaq qərarına gəlmişik”.

Bunu Prezident İlham Əliyevlə mətbuata bəyanatında Bosniya və Herseqovinanın Rəyasət Heyətinin Sədri Jelka Tsviyanoviç deyib.

“Biz bunu həyata keçirəcəyik və bu məsələ ilə bağlı da cənab Prezidentə məlumat vermək istəyirəm ki, biz hər üç üzv yekdil qərar verdik ki, Bakıda səfirliyin açılması vacibdir. Bununla bağlı təlimatlarımızı artıq Xarici İşlər Nazirliyinə vermişik və əminəm ki, səfirliyimiz açılan kimi onun bəhrəsini görəcəyik”, – deyə Jelka Tsviyanoviç vurğulayıb.