Bakıda ilk dəfə nümayiş olunan silahlar | V "ADEX-2024" və "Securex Caspian" sərgiləri

2024-cü ildə Azərbaycan regionda müdafiə sənayesinə həsr olunmuş ən nəhəng tədbir olan Azərbaycan Beynəlxalq Müdafiə Sərgisinə (“ADEX”) ev sahibliyi edir.

Bakı Ekspo Mərkəzində V ADEX sərgisi ilə paralel olaraq, 14-cü Beynəlxalq Daxili Təhlükəsizlik, Mühafizə və Xilasetmə “Securex Caspian” sərgisi də keçirilir. Hər iki sərgidə ümumilikdə 38 ölkəni təmsil edən 270-dək şirkət iştirak edir.

Sərgidə Müdafiə Sənayesi Nazirliyi və Müdafiə Nazirliyinin tabeliyində fəaliyyət göstərən “Azərsilah” Müdafiə Sənayesi Holdinqi” Qapalı Səhmdar Cəmiyyətinə məxsus pavilyonda ümumilikdə 193 eksponat sərgilənir.

Sərgi çərçivəsində ilk dəfə olaraq Müdafiə Nazirliyinin stendi də nümayiş olunur. Stenddə silahlanmada olan müasir silah sistemləri, o cümlədən Xüsusi Təyinatlı Qüvvələrin təchizatı sərgilənir.