Bakıda önəmli toplantı | Prezident müraciət ünvanladı

“İqlim dəyişmələri ilə mübarizə qlobal gündəlikdə duran ən vacib və prioritet məsələdir”.

Bunu Prezident İlham Əliyev Bakıda “COP29-a aparan yol: Dayanıqlı və davamlı gələcək” adlı 29-cu ali səviyyəli toplantı iştirakçılarına ünvanladığı müraciətində bildirib.

Dövlət başçısı ölkəmizin COP29-a var gücü ilə hazırlaşdığını, planetin müsbət gələcəyi üçün səylərini əsirgəmədiyini qeyd edib. Bildirib ki, qlobal istiləşməni 1,5 C° səviyyədə saxlamaq məqsədilə beynəlxalq ictimaiyyətin təxirəsalınmaz addımlar atması üçün vaxt azalır.

Bakıdakı COP29-da 2025-ci ildən sonrakı dövr üçün iqlim maliyyəsi üzrə yeni kollektiv kəmiyyət hədəfinin razılaşdırılması üzrə danışıqlar aparılacaq. Prezident İlham Əliyev bunun iqlim dəyişmələri ilə bağlı inkişaf etməkdə olan ölkələrin artan maliyyə ehtiyaclarını ödəmək məqsədi daşıdığını diqqətə çatdırıb.

Dövlət başçısı bildirib ki, iqlim dəyişmələrinin mənfi təsirlərinə ən çox məruz qalan inkişaf etməkdə olan kiçik ada dövlətlərinin üzləşdiyi problemlərin həlli Azərbaycanın COP29-a sədrliyi gündəliyində duran prioritet məsələlərdən olacaq.