Başqalarına ağıl verməkdənsə... | Hikmət Hacıyevdən Avropa komissarına sərt cavab

Prezidentin köməkçisi Hikmət Hacıyev Avropa İttifaqının Məşğulluq və Sosial Hüquqlar üzrə komissarı Nikolas Şmitin Strasburqda Avropa Parlamentində səsləndirdiyi əsassız ittihamlara və absurd çağırışlarına cavab verib.

Bununla bağlı o, “Politico”ya açıqlama verib.

“Avropa Parlamentindəki bəzi müzakirələr bizə absurd teatrı və ya sirki xatırladır. Dünya bu qurumdakı biabırçı korrupsiya əməllərini görür. Azərbaycanın əleyhinə yüksək səslə çıxış edənlərin çoxu erməni lobbisi tərəfindən maliyyələşdirilir və Ermənistan hökumətinin piar kampaniyasının bir hissəsidir”, – deyə Hikmət Hacıyev bildirib.

“Mən həmçinin Avropa İnsan Hüquqları üzrə komissarına başqalarına mühazirə oxumaq əvəzinə Avropa İttifaqında artan insan haqları problemlərini ciddi şəkildə həll etməyi məsləhət görərdim. Günahsız azərbaycanlı mülki vətəndaşları qətlə yetirən erməni hərbi cinayətkarların azad edilməsi çağırışları nasist hərbi cinayətkarlarının azad edilməsinə bərabərdir”, – deyə o əlavə edib.