Bayramov və Mirzoyan Vaşinqtonda bu tarixdə görüşəcək

Xarici işlər naziri Ceyhun Bayramov Ermənistanla danışıqların növbəti raundunda iştirak etmək üçün Amerika Birləşmiş Ştatlarına işgüzar səfər edib.

Səfər çərçivəsində dövlət katibi Entoni Blinkenlə ikitərəfli görüşün, eləcə də Azərbaycan və Ermənistan xarici işlər nazirləri arasında “Sülh və Dövlətlərarası Münasibətlərin Qurulması haqqında ikitərəfli Saziş” layihəsi üzrə danışıqların növbəti raundunun keçirilməsi nəzərdə tutulub.

Xarici İşlər Nazirliyinin Mətbuat Xidmətinin rəhbəri Ayxan Hacızadənin sözlərinə görə, danışıqların növbəti raundu üçün görüşlərin iyunun 27-də keçirilməsi nəzərdə tutulub.