Siyasət
Pleyeri seçin:
Belarus Prezidenti Lukaşenko Azərbaycanda səfərdədir
Azərbaycana dövlət səfərinə gələn Belarus Prezidenti Aleksandr Lukaşenkonun mayın 16-da rəsmi qarşılanma mərasimi olub.
AZƏRTAC xəbər verir ki, hər iki ölkənin Dövlət bayraqlarının dalğalandığı meydanda Belarus Prezidentinin şərəfinə fəxri qarovul dəstəsi düzülüb.
Prezident İlham Əliyev Belarus Prezidenti Aleksandr Lukaşenkonu qarşılayıb. Fəxri qarovul dəstəsinin rəisi Belarus Prezidentinə raport verib. Belarus Respublikasının və Azərbaycan Respublikasının Dövlət himnləri səsləndirilib.
Azərbaycan nümayəndə heyəti Belarus Prezidentinə, Belarus nümayəndə heyəti isə Azərbaycan Prezidentinə təqdim olunub.
Fəxri qarovul dəstəsi hərbi marşın sədaları altında İlham Əliyevin və Aleksandr Lukaşenkonun qarşısından keçib. Dövlət başçıları rəsmi foto çəkdiriblər.
Daha sonra prezidentlər arasında təkbətək görüş başlayıb.
Kopyalandı
Seçilmişlər
