Bizim başqa çarəmiz qalmamışdı | Prezidentdən vacib açıqlama

“Rusiya tərəfinə ən yüksək səviyyədə 5 dəfə müraciət edilmişdir ki, gəlin bu yola (Laçın dəhlizi) birlikdə nəzarət edək. Çünki belə çıxır ki, siz buna tam nəzarət edə bilmirsiniz”.

Bunu Prezident İlham Əliyev yanvarın 10-da yerli televiziya kanallarına müsahibəsində deyib.

“2021-ci ildə Ermənistanda istehsal edilmiş minalar oraya necə gətirildi? Yəni, təbii ki, bu minalar həmin o Laçın-Xankəndi yolu vasitəsilə gətirilmişdi. Ona görə biz məsələ qaldırdıq ki, gəlin birgə postda biz də dayanaq və nəzarəti gücləndirək, eyni zamanda Rusiya sülhməramlı qüvvələrinə olan tənqidi yanaşma da səngiyər. Çünki biz məsuliyyəti sizinlə bir növ bölüşdürmüş olacağıq. Ancaq əfsuslar olsun ki, buna razılıq verilmədi.

Aprelin 23-də bizim başqa çarəmiz qalmamışdı, daha gözləmək fikrində deyildik. Bir neçə saat ərzində həmin o Həkəri çayının üzərindəki körpüdə yerləşdik. Təbii ki, buna hazırlıq aparılmışdır və bəzi səylərə baxmayaraq, oradan artıq heç yerə getmədik”, – deyə dövlət başçısı bildirib.