Blinken Laçın və Xankəndi yolunun açılmasını dəyərləndirdi: ABŞ rəsmisi prosesi təqdir etdi

“ABŞ Qarabağa humanitar yüklərin Laçın və Ağdam yolu ilə eyni vaxtda çatdırılmasını alqışlayır və bunu irəliyə doğru mühüm addım hesab edir”.

Bu barədə ABŞ dövlət katibi Entoni Blinkenin bəyanatında deyilir.

Dövlət departamentinin rəhbəri qeyd edib ki, ABŞ davamlı sülhə nail olmaq üçün Ermənistan və Azərbaycanın səylərini dəstəkləyir.

Qeyd edək ki, sentyabrın 18-də Ağdam-Xankəndi və Laçın-Xankəndi yolundan Beynəlxalq Qızıl Xaç Komitəsinin yük avtomobilləri keçib. Belə ki, Qarabağdakı qanunsuz rejim BQXK-nin Xankəndi ofisinin və Rusiya sülhməramlılarının komandanlığının birgə təklifini qəbul edib. Bu da onların Azərbaycanın şərtlərinə tabe olduğunu göstərir.