Pleyeri seçin:
Böyük cəsarət göstərdilər | Prezident qəzaya düşən təyyarəmizin ekipaj üzvlərindən danışdı
“Çox güman, pilotlar bilirdilər ki, bu qəzadan sağ çıxa bilməyəcəklər. Onlar təcrübəli pilotlar idi, idarəolunmaz vəziyyətdə olan təyyarəni məhz öz peşəkarlıqları nəticəsində bir yolla məkana yetişdirə və qəza enişi olsa da, təyyarəni endirə bildilər”.
Bunu Azərbaycan Prezidenti İlham Əliyev təyyarə qəzasında həlak olan ekipaj heyətinin ailə üzvləri və sağ qalan təyyarə bələdçiləri ilə görüşündə söyləyib.
“Ekipajın digər üzvləri – bələdçilər də soyuqqanlılıq göstəriblər. Təyyarədə xaosun yaranmaması üçün böyük cəsarət göstəriblər. Onlar da görürdülər, bilirdilər ki, onları nələr gözləyir.
Yəqin, heç ümid etmirdilər ki, bu vəziyyətdən sağ-salamat çıxa bilərlər. Belə vəziyyətdə özünü təmkinlə, soyuqqanlılıqla, cəsarətlə aparmaq, əlbəttə ki, bir daha onların yüksək keyfiyyətlərini göstərir. Xüsusilə nəzərə alsaq ki, bələdçilərin ikisi qadın idi”, – dövlət başçısı əlavə edib.
Kopyalandı
#İlham Əliyev teqi istifadə olunub
- Prezident İlham Əliyev iştirakçılara müraciət ünvanladı - Baku TV
- Prezidentin mesajları “Haber Global”ın gündəmində | Bakıda “Türk Dünyası Həftəsi” - Baku TV
- Prezident Bakıda keçirilən beynəlxalq tədbirin iştirakçılarına müraciət etdi - Baku TV
- "Arzu edirəm ki, bölgədə heç bir müharibə olmasın" | İlham Əliyev
- İslam Əməkdaşlıq Təşkilatının Parlament İttifaqı toplandı - Baku TV
Seçilmişlər
