Britaniya nəşri Prezident İlham Əliyevdən yazdı | Məqalədə diqqətçəkən məqamlar

Britaniya qəzeti “The Telegraph”da Azərbaycan Prezidenti İlham Əliyevin Kiçik Ada Dövlətlərinin İnkişafı Sammitindəki (SIDS) çıxışına həsr olunan məqalə yayımlanıb.

Ən çox diqqət çəkən isə məqalənin “Makronun vəhşi neokolonializmi iqlim dəyişikliyinə qarşı mübarizəni zəiflədir” başlığı ilə dərc edilməsidir.

Materialda Azərbaycanın Yeni Kaledoniya, Fransız Polineziyası, Mayotta, Korsika, Reyunyon, Qvadelupa və Martinikanın məzlum xalqlarını dəstəklədiyi qeyd olunub.

Yazıda Azərbaycan liderinin SIDS-ə münasibətdə ədalətli yanaşmanın təmin edilməsi kontekstində səsləndirdiyi əsas tezislər geniş işıqlandırılıb.

Prezident İlham Əliyevin kiçik ada dövlətlərinin inkişaf etməsində onlara ən çox anlayış və dəstək nümayiş etdirdiyi xüsusi vurğulanıb. Bu işdə Azərbaycanın əhəmiyyətli rolu barədə səsləndirdiyi bəyanatlar oxucuların diqqətinə çatdırılıb.

Ölkəmizin Qoşulmama Hərəkatında dördillik sədrliyi dövründə 80-dən artıq ölkəyə, o cümlədən 20 kiçik ada dövlətinə maliyyə və humanitar yardım göstərməyi qabardılıb.

“Əgər Avropanın əsas diplomatı Cozep Borrell Avropanı bağ, dünyanın qalan hissəsini isə cəngəllik adlandırırsa, onda Avropa Parlamenti ilə Avropa Şurası Parlament Assambleyasından daha nə gözləmək olar?! Əgər biz cəngəlliyiksə, onda bizdən kənar durun və işlərimizə qarışmayın. Azərbaycan Qoşulmama Hərəkatının sədri kimi kiçik ada dövlətlərinə dəstək verib, COP29-un sədri kimi onları dəstəkləyəcək və gələcəkdə də dostlarımızı dəstəkləməkdə davam edəcək”, – “The Telegraph” dövlət başçısından sitat gətirib.