Bu fond vasitəsilə biz 1 milyard dollar vəsait toplamağa çalışırıq | Yalçın Rəfiyev

“İqlim Maliyyəsi Fondunun yaradılması təşəbbüslərimizdən biridir”.

Bunu COP29-un baş danışıqçısı Yalçın Rəfiyev COP29 Azərbaycan Sədrliyinin mətbuat konfransında deyib.

O qeyd edib ki, yeni maliyyə mexanizminin yaradılmasını təklif edirlər:

“Biz iqlim üçün qrant əsaslı maliyyələrin ayrılmasını təklif edirik. Bu fond vasitəsilə biz 1 milyard dollar vəsait toplamağa çalışırıq”.

Y.Rəfiyev vurğulayıb ki, COP29 sədrliyi tərəfindən bütün tərəfdaşlara gələcək yol xəritələri göndərilib.

O bildirib ki, İqlim Maliyyəsi Fondu Azərbaycan fondu olmayacaq, çoxtərəfli bir fond olacaq:

“Onun fəaliyyətində tərəfdar dövlətlər də iştirak edəcək və rəhbərlər töhfə verən dövlətlərdən seçiləcək. Çoxtərəfli maliyyə təşkilatları onun fəaliyyətinə nəzarət edəcək. Bakı sadəcə bu fondun katibliyinə ev sahibliyi edəcək. Bütöv fəaliyyət isə tərəfdaş dövlətlərin iştirakı ilə həyata keçiriləcək”.