Budapeştdə “yaşıl enerji”nin inkişafı ilə bağlı mühüm görüş | Nələr müzakirə edildi?

Macarıstanın paytaxtı Budapeştdə Azərbaycan, Gürcüstan, Macarıstan və Rumıniya arasında “yaşıl enerji”nin inkişafı və ötürülməsi sahəsində iclas keçirilib.

Tədbirdə Azərbaycan, Rumıniya, Bolqarıstanın energetika nazirləri, Macarıstanın xarici işlər və ticarət naziri, Gürcüstanın Baş nazirinin birinci müavini iştirak edib.

İclasda Azərbaycanın bərpa olunan enerji potensialının inkişafı, “Xəzər-Qara dəniz-Avropa Yaşıl Enerji Dəhlizi” layihəsi üzrə irəliləyişlər və perspektivlər nəzərdən keçirilib.

Energetika naziri Pərviz Şahbazov bildirib ki, Xəzər dənizinin Azərbaycan seqmentində müəyyən edilən 4 sahədə külək enerjisi üzrə bir sıra beynəlxalq şirkətlərlə müvafiq müqavilə sənədləri üzərində işlər aparılır və bu razılaşmalar “yaşıl hidrogen”in inkişafı ilə bağlı planlarımızı da dəstəkləyəcək.

Yekunda nazirlərin Budapeşt görüşünün nəticələrinə dair brifinq keçirilib. Nazirlərin növbəti görüşünün Gürcüstanda keçirilməsi planlaşdırılır.