Ceyhun Bayramov Türkiyənin yeni xarici işlər nazirini təbrik etdi

Xarici işlər naziri Ceyhun Bayramov Türkiyənin yeni xarici işlər naziri təyin edilən Hakan Fidanı təbrik edib.

“Twitter” hesabında edilən paylaşımda “Qardaş Türkiyənin yeni xarici işlər naziri vəzifəsinə təyin edilmiş cənab Hakan Fidanı səmimi-qəlbdən təbrik edir, bu şərəfli vəzifədə ona uğurlar arzulayıram! Azərbaycan və Türkiyə arasında qardaşlıq və müttəfiqlik münasibətlərinin daha da möhkəmlənəcəyinə əminəm”, – deyə qeyd olunub.

Ceyhun Bayramov həmçinin Türkiyənin sabiq xarici işlər naziri Mövlud Çavuşoğlu ilə bağlı da paylaşım edib.

Nazir “Twitter” hesabında “Türkiyənin xarici işlər naziri vəzifəsində böyük nailiyyətlərə imza atmış, Azərbaycan-Türkiyə əlaqələrinin inkişafı naminə misilsiz xidmətləri olan qardaşım Mövlud Çavuşoğluna dərin minnətdarlığımı bildirir, gələcək fəaliyyətində müvəffəqiyyət arzulayıram!”, – deyə bildirib.