Ceyhun Bayramovdan Azərbaycan və Türkiyə arasındakı istiqamətlərlə bağlı vacib açıqlama

“İki ölkə arasında həyata keçirilən və davam edən İğdır-Naxçıvan qaz xəttinin çəkilməsi layihəsini xüsusi olaraq vurğulamaq istərdim. Düşünürəm ki, yaxın zamanlarda bu layihə başa çatacaq və iki ölkə arasında əlavə imkanlar yaradacaqdır”.

Bunu Türkiyədə səfərdə olan Azərbaycanın xarici işlər naziri Ceyhun Bayramov həmkarı Hakan Fidanla keçirilən birgə mətbuat konfransı zamanı bildirib.

“Eyni zamanda vacib istiqamətlərdən biri nəqliyyat sahəsində olan əməkdaşlıqdır. Bu, iki ölkə arasında qarşılıqlı ticarət üçün əhəmiyyətlidir. Eyni zamanda Azərbaycan və Türkiyənin iştirakı ilə geniş bölgədə tranzit daşımalarının artması imkanları mövcuddur və onlar icra olunmaqdadır. Bu mənada Bakı-Tbilisi-Qars dəmir yolunun Gürcüstan ərazisində olan hissəsinin genişlənməsi layihəsini qeyd etmək istərdim”, – deyə o qeyd edib.