Deputatdan sərt sözlər | Yanında “ordu” ilə gəzir, hamısı da...

“Əli Kərimli yanında mühafizəçi ordusu saxlayır, hamısı da açıq formada pozucu, təxribatçı. Gündə bir bəyanat verir ki, filan mühafizəçim saxlanıldı. İndiki dövrdə heç bir yerdə işi-gücü olmayan hansı adam ictimai əsaslarla mühafizəçilik edir? Sən hansı pulla saxlayırsan o mühafizəçiləri? Yaxud şəffaflıqdan yazan “jurnalistlər” var ki, bu gün istintaq onların hansı korrupsiya mexanizminin iştirakçıları olduğunu üzə çıxarır”.

Bunu Milli Məclisin aprelin 22-də keçirilən plenar iclasında deputat Bəhruz Məhərrəmov deyib.

“Yəni öncə bunlara aydınlıq gətirilməlidir, idarəetmə sistemindən şəffaflıq tələb edənlərin özlərinin fəaliyyəti şəffaf olmalıdır ki, danışmağa dilləri olsun. Mən bir daha deyirəm, Azərbaycan dövləti maliyyə intizamının, şəffaf idarəetmənin tam tərəfdarıdır və bütün nəzarət mexanizmlərinin effektiv fəaliyyəti üçün mexanizmlər işləkdir və işlək də olacaq. Biz bu məsələyə milli təhlükəsizlik konsepsiyamızın vacib hissəsi kimi baxırıq”, ‒ deyə o bildirib.