“Dinamik əlaqələrin inkişafı göstərir ki...” | Azərbaycan və Slovakiya prezidentləri bir arada

“Şadam ki, Slovakiya–Azərbaycan əlaqələrinin inkişafı uğurla gedir. Bizim siyasi təmaslarımız müntəzəm xarakter alır”.

Bu sözləri Prezident İlham Əliyev Slovakiya Prezidenti Peter Pelleqrini ilə mətbuata bəyanatında deyib.

Keçən il Slovakiya Respublikasına səfərini məmnunluqla xatırlayan Prezident İlham Əliyev göstərilən qonaqpərvərliyə görə bir daha təşəkkürünü bildirib və vurğulayıb ki, belə dinamik əlaqələrin inkişafı iki tərəfin niyyətini aydın göstərir.

Dövlət başçısı əlavə edib ki, iki ölkə arasında əməkdaşlıq yalnız dialoqla kifayətlənmir, həm də praktiki layihələr həyata keçirilir:

“Bu gün biz bir çox məsələləri müzakirə etmişik və bir daha gördük ki, gündəliyimiz kifayət qədər genişdir. Nümayəndə heyətlərinin tərkibinə baxmaq kifayətdir ki, hər kəs görsün ki, hansı istiqamətlər üzrə fəal işlər gedir, dialoq aparılır və təkcə dialoq yox, praktik işlər də həyata keçirilir”.