Dini dəyərləri heçə sayan Fransa gündəmi zəbt etdi | Rəzalət dolu olimpiada

Dünyanın ən mötəbər idman yarışı olan Yay Olimpiya Oyunları Fransada davam edir.

Paris Olimpiadası elə açılış günündən dünya mediasının gündəminə çevirilib. Lakin fərqli formada. Açılış mərasimindəki biabırçılıqlar, təşkilati zəiflik, dini dəyərlərin alçaldılması dünya gündəmini zəbt edib.

Açılış mərasiminin sonunda təntənəli şəkildə qaldırılan oyunların əsas rəmzi hesab edilən Olimpiya bayrağının başıaşağı formada asılması Fransanın olimpiada kimi mötəbər tədbirə nə qədər qeyri-ciddi yanaşmasından xəbər verir.

Fransa Olimpiya Oyunları ilə əlaqədar təxminən 15 milyon turist qəbul edib. Mediada yayılan məlumata görə, qonaqların əsas problemi nəqliyyatla bağlıdır. Hava limanlarında xüsusi transferlər yoxdur, metronun bir çox stansiyalarında eskalatorlar işləmir. Bütün bunlar Yay Olimpiya Oyunlarının hələ ilk günlərində yaşanır.

Paris Olimpiadası isə avqustun 11-dək davam edəcək. Yəni qonaqların və idmançıların görəcəkləri günlər hələ qabaqdadır.