Ərdoğan Paşinyanın arzusunu ürəyində qoydu | Bakı barədə şərt kəsdi ki...

“Nyu-Yorkda yerləşən “Türk Evi”ndə Rəcəb Tayyib Ərdoğanla görüşə gedən Nikol Paşinyana Türkiyə Prezidenti “Daha ədalətli bir dünya mümkündür” kitabını hədiyyə edib. R.T.Ərdoğanın kitabını görüşdüyü liderlərə bağışlaması ənənəsi var, hərçənd burada digər məqsəd erməni Baş nazirin əliboş qayıtmaması da ola bilərdi. Çünki N.Paşinyan R.T.Ərdoğandan “ilkin şərt” olmadan (Azərbaycan olmadan) münasibətlərə təkan verməyi istəsə də, Ankara Bakı şərtini təkrarlayıb”.

Bu sözləri politoloq Asif Nərimanlı qeyd edib.

“R.T.Ərdoğan BMT tribunasında çıxışında da bəyan edib ki, Bakı və İrəvan arasında münasibətlərin normallaşması Türkiyə ilə Ermənistan arasındakı əlaqələrə də təsir edəcək. Bunun BMT tribunasından elan edilməsi Ankaranı Bakının maraqlarını nəzərə almadan İrəvanla danışıqlara getməyə məcbur etmək istəyən qüvvələrə də açıq mesajdır”, – o bildirib.