Ərdoğandan ABŞ-yə sərt reaksiya

Türkiyə Prezidenti Rəcəb Tayyib Ərdoğan ABŞ rəsmilərindən Nyu-Yorkdakı Türk Evinin şüşələrini sındıran şəxsi təcili tapmağı tələb edib.

O, bu barədə bazar ertəsi İstanbulda Rumeli görüşündə bildirib. Dövlət başçısı ABŞ-nin timsalında Qərbin Türkiyəyə qarşı yürütdüyü riyakar siyasəti hədəf alıb.

“Bəs siz demokrat idiniz? İndi biz buradan ABŞ-nin səlahiyyətlilərinə deyirik ki, bu terrorçunu tez bir zamanda tapıb, lazım olanı etmək lazımdır”, – deyə R.T.Ərdoğan bəyan edib.